Jungkook-a'n Billboard-ah record siam chhunzawm zel

BTS member Jungkook chu sipaiah ṭang tawh mah se, Billboard chart lamah record a la siam chhunzawm zel.

Kar liam ta chhungin Jungkook solo debut album, 'GOLDEN' chu Billboard 200-ah a zawna a kar riatna turin top 50-ah a la awm chhunzawm. Korean solo artist zingah top 50-a kar riat awm thei hmasa ber a ni. Hei bakah hian Billboard Artist 100-ah no. 35 ni bawkin, chart-ah kar 20 a lang tawh a, K-pop soloist zingah a dinhmun ang thleng thei hi an la awm lo. A title track 'Standing Next to You' chu a zawna a kar riatna atan Billboard Hot 100-ah awmin, Digital Song Sales chart-ah no. 5-ah a awm chhunzawm bawk. US-a radio station lian zual 40-a hla play nasat zingah Jungkook hla 'Too Much' chu no. 19, “3D” (featuring Jack Harlow) chu no. 22 leh 'Standing Next to You' chu no. 34-ah an lang bawk.