Britney Spears team-te'n album thar siamtir leh ngei tum

Kum 42 mi, pop star; Britney Spears chuan music thar siam a tum tawh lo tih a sawi hnuah,a team-te chuan rimawi lama lettir leh ngei an tum.

Britney hian kum 2016-a 'Glory' album a tihchhuah hnuah album dang a la siam lo. A Instagram lamah music industry-ah kir a tum tawh loh thu hi a sawi a, hla a phuah thar leh a nih pawhin midangte tan chauh a phuah tur thu a sawi. Kum hnih kal ta chhungin midang tan hla 20 chuang a lo phuahsak tawh thu leh, mi hriat loha hla lo phuahsak chu nuam a tih thu a tarlang. Hla thar a buaipui mek nia sawi chu thudik lo a ni tih a sawi bawk.