OTT lamah 12th Fail a che bon

Bollywood legendary filmmaker, Vidhu Vinod Chopra film thar ber,'12th Fail' chu OTT lamah a che bon hle a, ni thum chhung lekin viewer tam lamah 2023 chhunga platfom-a film dah zawng zawng a rawn khum nghal.

December 29, 2023-a Disney+ leh Hotstar-ah tihchhuah a nih aṭanga ni thum chhungin '12th Fail' hi 2023 chhunga OTT-a film entu ngah ber a ni thei der a ni. Theatre lama tihchhuah dawnah promotion tihna hun chep viau mah se, box office-ah pawh a che ṭha hle a, ni 52 chhungin India ram chhung leh ram pawnah Rs. vbc 70 chuang an hmu chhuak thei. He film-ah hian Vikran Massey chu Manoj Kumar Sharma lemah changin, 12th fail a ni chunga IPS officer a nih chhoh dan zinkawng pholan a ni. IMDB rating-ah pawh khawvela film lar dangte a khum vek a, 9.1 hmuin a hnuaiah hian 8.6 hmu Spider-Man : Across the Spider Verse, Oppenheimer (8.4), Godzilla Minus One (8.4) leh Kannada film Kaiva (8.2) te an awm.