Kum thum hnuah Ariana Grande single chhuak dawn

Ariana Grande chuan single 'Yes, And?' a tichhuak dawn tih a sawi a, hei hi kum thum dawn hnua single a tihchhuah hmasa ber tur a ni.

Kum 30 mi, Grande hian Pathianni khan a Instagram kaltlangin a hla thar tihchhuah tur hi a puang a, hemi hma hian a teaser pawh a lo dah tawh bawk. 'Stuck With U' singer hian a studio album hnuhnung ber, 'Positions' chu kum 2020, October khan a tichhuak a, hemi hnuah ama pualin hla thar engmah a siam belh tawh lo a, mahse, midang zaina ṭhenkhatah chuan a lang thung a, heng zingah hian Kid Cudi 'Just Look Up' leh The Weeknd remix 'Save Your Tears' leh 'Die for You' te pawh a tel.