'Animal' ticket Rs 100-ah tihniam

Ranbir Kapoor channa, 'Animal' chuan hlawhtlinna nasa tak a chan hnuah, a fan-te'n he film hi an en ve vek theihna turin ticket man Rs. 100-ah tihniam a ni.

Nimin khan he film siamtute chuan an social media-ah ticket man tihtlawm a nih thu hi an puang a, mahse, ticket man tihtlawm hun chhung bik hi bituk a ni ang. 'Animal' hi nikum December 1-a tlangzarh kha niin, ṭawng chi nga - Hindi, Telugu, Tamil, Malayalam leh Kannada ṭawngin a chhuak a, Indian box office bikah pawh Rs. vbc 550 chuang a la lut tawh. Ram pawn lamah pawh a che ṭha hle. He film-ah hian Ranbir Kapoor bakah Rashmika Mandanna, Anil Kapoor leh Bobby Deol-te pawh an chang.