2023-a Spotify-a rock album stream nasat ber Sleep Token 'Take Me Back to Eden'

Streaming service, Spotify-in an a tarlan danin, kum 2023 chhunga an service kaltlanga rock album stream nasat ber chu London band, Speel Token album, 'Take Me Back to Eden' a ni tih a sawi. Metallica '72 Seasons' an rawn khum a ni.

Sleep Token hi kum 2016-a din niin, album pathum chauh an la tichhuak. Band member hi pali niin an hmai an tuam vek a, an nihna pawh an puangzar lo. 'Take Me Back to Eden' album hi nikum May thlaa an tihchhuah a ni. Metal sexiest new band-ah pawh puan an lo ni tawh a, online lamah an che ṭha hle.

Spotify-ah hian 'Take Me Back to Eden' hian tihchhuah a nih aṭangin monthly listener hi 3,131,019 neiin, stream 357,324,681 zet a nei. Hetih lai hian Metallica '72 Seasons' hian monthly listener 23,708,038 neiin, vawi 227,202,107 stream a ni a, stream zat inthlauhna hi 130,122,574 a tling a ni.