Sailova'n hla thar a nei dawn

Mizo zaithiam zinga ngainat hlawh ber pawl, Vanlalsailova chuan hla thar a nei. A hla thar hi April thla hian music video siam hman a beisei tih a sawi. Sailova hla thar hi, 'A puan hmawr a huh,' tih a ni a, recording a zo thawkhat tawh a, a chulmam hnuah April thla chawhma lamah video siam hman a tum.

Mizoram chhung bakah ram pawn thlengin Sailova hian rawngbawl tura sawmna a dawng reng a, April thla hian Myanmar-a Zohnahthlakte zinga rawngbawl tura zin a tum. Tun hmain ṭum li zet Myanmar-ah hian rawngbawlin a fehchhuak tawh a ni.

Sailova hian fam ngaih hla pawh a nei thar a, local TV lamah leh Youtube ah hmuh theia dah chhuah a ni tawh bawk. Taksa chaklohna avangin in lamah a inenkawl mek a, a dam chian veleh music vedio hi siam a tum tih Sailova chuan a sawi.