Sikeisenah milem ker hmuchhuak

Tunhnai khan UFO chhuitu pawlte chuan NASA thlalem tirh-chhuahin thlalak a rawn thawn an zirchianna ah Sikeisenah hian tu emaw cheng ngeia rinna an nei lian hle. Thlalakah hian Puka lungbangah 'Mihring tlan lai lem leh rul tleng lai lem' inker an hmuchhuak niin an sawi. Heng lemziak kerte hi alien ho kuthnu ngei niin an hria.

Sikeisen thlalak hrang hrang an zirchianna ah hian ramsa ruang lung sakhata changta ni awm tak te, Pyramid ni ngeia hriatte leh thilsiam dang kutchhuak ni awm tak hmuh a ni fo ṭhin.

Sikeisena milem ker nia hriat hi Zimbabwe Matobo National Park-a lung banga mihring tlan lai lem inziak nen inang riaua hriat a ni. Zimbabwe Matobo National Park-a lemziak hi kum 2000 chuanga upa a nih thu mithiamte chuan an sawi.

UFO chhuitu Scott C Waring chuan March 29 khan NASA thlalem Curiosity Rover in a thlalak a rawn thawn a zirchianna ah lung banga lemziak inker hi a hmu a. "Khawvel hmun hrang hranga lung banga lemziakte nen inzul tak an ni tih ka hria. Sorkar hnen aṭanga ka dawn anih vangin a lem a nih a rinawm loh" a ti.

Chawlhkar hmasa khan Waring hian Sikei-sen thlalak hrang hrang a zirchiannaah Nghapui, lunga chang tawh a hmu niin a sawi bawk.