Zawhna 98-ah Lallianzuala Chhangte

Zonet programme thar Angelina Paul host Zawhna 98 chu zanin dar 8-ah hian Zonet Zawlbukah tihchhuah a ni leh tawh dawn a, Indian football star Lallianzuala Chhangte nen an inkawm ve thung dawn.

MPL ground reporter Angelina hian Lianzuala kawm tur hian Lunglei a pan vang vang a, Zawhna 98 a hlu sawt a, en a châkawm sawt dawn. TV lama en hman lo tan, YouTube-ah tlem a zawng an dah chhuak ang a, Zonet digital platform tv.zonet.in-ah a kima en tur a awm dawn bawk.

Lianzuala hian ISL club Chennaiyin FC tan khel mekin India national team-ah hmun pawimawh a chang. Lunglei tlangval hian a thawhrim vangin thui tak a thleng tawh a, hmabak êng tak a nei. Lockdown chhung ringawt pawhin a taksa nasa takin a siam a, ṭhalaite, nu leh pa bakah naupang tan Lianzuala kawmna hi en ngei chi a ni.