Selena Gomez-i'n an titi chungchang a sawi fiah

2024 Golden Globes neih zawh takah Selena Gomez-i'n a ṭhiannu, Taylor Swift leh Keleigh Sperry bula a thil sawi chu mi tam takin an rin thu an vawrh darh nasa a, hei vang hian Gomez hian a thusawi hi a rawn sawi fiah.

A hmui phun aṭanga an lo hmuh danin, Gomez hian Taylor leh Keleigh bulah hian Timothee Chalamet thla lakpui a tum a, mahse, Kylie Jenner-in a lo phal lo tia sawi angin an tarlang a, social media lamah pawh an vawrh darh nasa hle a ni. Hemi chungchangah hian Selena Gomez demtu pawh an tam hman hle. Mahse an buaipui nasat tak hnuah, Gomez hian E!News' Instagram post-a comment-ah rawn sawi fiahin, Taylor hnenah hian an ṭhiante pahnih inkawp chungchang a hrilh thu leh, hei hi midang lo buaina ve tur pawh a ni lo tih a rawn sawi a ni.