Billboard 200-ah Taylor Swift bawk a chungnung leh

Billboard 200 album chart-ah Taylor Swift bawk a chungnung leh a, a album '1989 'Taylor's Version)' chu No 1-ah awm lehin, kar ruk chhung chart chung berah a awm ta.

Kar liam ta chhung khan a album hian equivalent album unit 64,000 dawn a nei pha leh. Hei bakah hian Top 10-ah a album dang, Midnights (No 5),Lover (No 6) leh Folklore (No 10) a la lanpui cheu bawk.

Morgan Wallen 'One Thing at a Time' chu chart hmasaa No 5 aṭangin No 2-ah a rawn chho leh a, Drake 'For All the Dogs' pawh No 6 aṭangin No 3-ah a rawn inhlangkai leh bawk a ni. Wallen 'One Thing at a Time' hi Luminate-in 2023 most popular album-ah a thlang a, top 10 album-ah hian Taylor Swift album hi panga an lang bawk a ni.

Nicki Minaj 'Pink Friday 2' chu No 3 aṭangin No 4-ah a tla thla thung a, SZA 'SOS' pawh Top 10-ah a rawn lang ṭha leh. Noah Kahan 'Stick Season' pawh No 8-ah a rawn lang a, Top 10 aṭanga nekchhuah tawh, Zach Bryan self-title album chu No 20 aṭangin No 9-ah a rawn invawrh chhuak leh.