'The Mandalorian' movie siam dawn

LucasFilm chuan Disney+ series lar, 'The Mandalorian' behchhanin film an siam dawn tih a puang a, an film hming tur pawh 'The Mandalorian + Grogu' tih a ni dawn tih an sawi nghal.

Disney+ series creator John Favreau chuan he film hi direct-in a produce nghal dawn bawk. LucasFilm president Kathleen Kennedy leh chief creative officer Dave Filoni-te nen an thawkho dawn a ni. A changtu turte erawh sawichian an la awm lo. Jon chuan big screen lamah Mandalorian leh Grogu te chanchin chhawpchhuah chu thil phurawm tak a nih thu a sawi. An film siam tur hi 2019 "Star Wars: The Rise of Skywalker" hnua 'Star Wars' film hmasa ber a ni ang.