MGK razor blade guitar-in sawisel a hlawh

Machine Gun Kelly chuan Schecter Guitars thawhpuiin, signature model thar a rawn siam a, mahse,social media lama a thlalak pho chhuah a nih hnuah sawisel a hlawh nasa hle.

MGK signature model guitar zingah hian pakhat chu razor blade design-a siam a ni. Instrument design hian sawisel a tawk nasa hle a, sawiseltu zingah hian musician lar te pawh an tel. He guitar hi metallic silver niin, a tirah chuan USD 2,169-a hralh chhuah tur tih a ni a, mahse, USD 1,499-ah tihhniam leh a ni. Razor blade design chu mahni intihnat chawisanna ti tein an sel a,mahse, MGK hian an sawiselna hi a ngai pawimawh hran lo. A 'art' chungchang chu sawi fiah a tum hran lo tih a tarlang a, an thlir dan chu a dik lo tih a sawi bawk.