Stacy music video thar a chhuak

Stacy VL. Muanpuii music video thar 'Ka Chhungkua' tih chu nimin khan YouTube lamah hmuh theihin dah chhuah a ni.

Stacy hian a puala band a neih avangin a single video hi hmuh tur a khat ta hle a, mahse, kum a thar a, a single music video min rawn hlui thei ta hlauh e. He music video hi nikuma Mizoram Synod hnuaia Family Guidance & Councelling Centre (FG&CC) in Kristian chhungkaw film intihsiakna an buatsaih a Presbyterian kohhran, Tuikual Branch KṬP-in film an siam 'Ka Chhungkua' film hlapui (OST) a ni. Tuikual Branch KṬP member te vekin video, lyrics, music leh recording bakah production zawng zawng hi an buaipui a ni. A hla phuahtu hi Lalmalsawma niin, music leh recording hi H. Lalnuntluanga (Westend Studio) kutchhuak a ni a. A music video hi Bilywaif films leh Zuala Langel te siam a ni bawk.

Kum 2015 khan Stacy hian a single music video hmasa ber 'Khawngaihna Thing Kraws' tichhuakin, Tuikual Branch KṬP produce a ni. A debut single a tihchhuah aṭanga kum kua hnua a single music video tihchhuah leh hi Tuikual KṬP Branch produce bawk a ni leh.