2023 PGA Awards nomination an puang ve leh ta

Producers Guild of America (PGA) chuan Zirtawpni liam ta khan film leh television category lama chawimawina dawng thei tura chhawp chhuahte a rawn puang ve leh ta.

Darryl F. Zanuck Award dawng tura chhawp chhuah zingah "Barbie", "Oppenheimer", "Maestro", "Poor Things" leh "Anatomy of a Fall" te an tel. Animated movie category-ah "The Boy and the Heroin", "Elemental", "Spider-Man: Across the Spider-Verse", "The Super Mario Bros. Movie" leh "Teenage Mutant Ninja Turtles: Mutant Mayhem"-te an inel dawn bawk.

35th annual Producers Guild Awards hi February 25-ah The Ray Dolby Ballroom, Ovation Hollywood-ah neih a ni ang. Talk show, limited series, TV movie, games show leh non-fiction show production lama tiṭhate chawimawina hlan an ni dawn . TV field lamah Netflix leh HBO chu nomination hmu hnem ber niin 11 ve ve an hmu. Nikum December thla khan sports, children leh short film category-a nominee-te chu puan an lo ni tawh bawk.

David O. Selznick Achievement Award dawng turin Martin Scorsese leh Milestone Award dawng turin Charles D. King thlan an nih thu puan a lo ni tawh a, Norman Lear Achievement Award leh Stanley Kramer Award dawng tur pawh puan an ni thuai ang.