Dennis Rodman biopic aṭangin Jonathan Majors paih

'Ant-Man And The Wasp: Quantumania' villain, Jonathan Majors chu a bialnu hlui, Grace Jabbari kutthlak chungchanga thiam loh chantir a nih hnuah, Dennis Rodman movie siam tur, '48 Hours in Vegas' aṭangin paih a ni. Hemi hma hian Marvel pawhin an movie siam thar tur aṭangin an lo hnawl tawh bawk.

Kum 34 mi, Majors hian NBA player hlui, Dennis Rodman lem chang tur hian biak a lo ni tawh a, he film-ah hian 1998 NBA finals neih laia Rodman-a Las Vegas zin chungchang tarlan a ni ang. Will Allegra leh Dennis-te hi executive producer niin, Jordan VanDina chu scriptwriter a ni ang.