Khiangte Construction Ṭhazual Lengzem : Kum tharah Apuii Chhangte-in hma a rawn hruai

Kum 2024 Khiangte Construction Ṭhazual Lengzem chart hmasa bera Apuii Chhangte chuan 'Nang nghilh nan' tih hmangin hma a rawn hruai.

Apuii Chhangte hian a hla hi nikum lamah chart-ah a lo lanpui fo tawh a, kuminah pakhatnaah a rawn awmpui thei ta a ni. 'Nang nghilh nan' phuahtu hi Parmawi niin, kum 2013 October 31-a a tihchhuah a ni. A videographer hi Anthony WoWv niin, director Attorney Kingpin a ni a, music & mixing hi Tluanga Hnamte (Westend Studio) kutchhuak a ni.

Marshall Fka Fanai 'Ka duhaisam' chu pahnihnaah a rawn chhohpui bawk a, midang nena an thawhhona 'Lo Kir leh rawh' chu Top 7-ah a lang bawk a ni. Mary Dawngi 'Se bo hnu', Saka 'Ka hmangaih che (Tunge I hming OSt) leh Puipuia Chhakchhuak 'Lunglen hnemtu' te chu Top 5-ah an lang bawk.

Mawimawia 'Kan tana ruat a ni si' pawhin hma rawn sawnin paruknaah a rawn awm a, Dorothy Grace & Cungkip pawh chart-ah lang chhunzawmin, Lawmi Chhakchhuak, Catherine Khiangte & Vincy Chhangte te an rawn lang thar bawk.