Critics' Choice Awards 2024 : 'Oppenheimer'-in Best Picture Award dawng

29th annual Critics' Choice Award chu Pathianni khan Santa Monica, California-ah sem a ni a, 'Oppenheimer' che ṭha berin award pariat a la a, heng zingah hian Best Picture Award pawh a tel.

'Oppenheimer' director Christopher Nolan chu Best Director-ah thlan a ni a, hei bakah he film aṭang hian Robert Downey Jr. chuan Best Supporting Actor lain, Best Acting Ensemble, Best Cinematography, Best Editing, Best Visual Effects leh Best Score te an dawng bawk. Nomination hmu hnem ber, 'Barbie' chuan nomination 18 a hmuh aṭangin award paruk a la ve bawk a, heng zingah hian Best Comedy a tel.

Best Actor leh Best Actress award chu Paul Giamatti ('The Holdovers') leh Emma Stone ('Poor Things') te'n an dawng. 'Anatomy of a Fall' chu Best Foreign Language Film-ah thlan niin, "Spider-Man: Across the Spider-Verse" chuan Beat Animated Feature award a dawng thung.