1984 movie siam turah Andrew Garfield

'Spider-Man' actor Andrew Garfield chu George Orwell dystopian classic novel behchhana film siam tur, '1984'-ah a chang dawn.

Andrew Garfield hi lead character, Winston Smith lemah a chang dawn a, he film-ah hian Tom Hardy chu Big Brother aw thawhtuah a ṭang dawn bawk. A chang tur zingah hian Romesh Ranganathan, Natasia Demetriou, Chukwudi Iwuji, Francesca Mills, Katie Leung leh Alex Lawther-te tihchian a ni tawh. Muse frontman, Matt Bellamy chuan composer Ilan Eshkeri nen film track tur hi an siam a ni. He drama hi Joe White-a'n ziakin, Destiny Ekaragha direct tur a ni a, original text zul thei ang ber tura siam niin, Orwell Estate lam pawhin a pawmpui a ni. Kumin April 4 hian tihchhuah tum a ni.