Simple Plan 'I'm Just a Kid'-in Plantinum a kai
An tihchhuah aṭangin kum 18 lai liam tawh mah se Simple Plan chuan an hla hit 'I'm Just A Kid' chu Platinum an kaipui.
Platinum certified hi record maktaduai hralh tlingte hnenah hlan a ni ṭhin a, 'I'm Just A Kid' hi tunhnaiah TikTok-ah a lar thar hle a; hemi vang hian play a hlawh zual a, Platinum hial a kai theih phah ta a ni.
'I'm Just A Kid' Simple Plan single hmasa a ni nghe nghe a, vocalist Pierre Bouvier phuah niin a music video pawh a hmuhnawm hle. An album hmasa ber 'No Pads, No Helmets... Just Balls'-a mi niin film pathum laiin soundtrack-ah an hmang.
Canadian rock band Simple Plan hi kum 1999-a indin tawh kha an ni a, kum 20 chuang ni tawh mah se an band line-up hi an la thlak lo a ni. Punk rock band hlawhtling ber zinga mi an ni a, studio album panga tichhuak tawhin an hlawhtlinpui vek.
Midang ṭanpuina kawngah pawh an thawh hlawk hle a, tleirawl leh rawlthar, ruihhloa talbuai leh mahni intihhlum tumte ṭanpuina turin Simple Plan Foundation an din a, hemi katlang hianmidang ṭanpuina kawngah pawisa pawh an thawh hnem tawh hle.
Ningani khan kum 2011-a Montreal Symphony Orchestra nena show an neih hona chu YouTube-ah a full-show an dah chhuak nghe nghe a, Simple Plan ngaisangtute tan chuan ngaihven chi hle ang.
Recording Industry Association of America (RIAA) chuan album leh single hralh ṭhate hnenah an hralh tam dana zirin certification hrang hrang hetiang hian a pe ṭhin:-
500,000 units - Gold
1,000,000 units - Platinum
2,000,000+ units - Multi-Platinum
10,000,000 units - Diamond
Album unit khatin a tlukte:-
- Digital emaw physical album pakhat hralh zelah
- Album pakhata hla 10 download a awmin
- On-demand audio emaw video stream 1,500 zelah