YouTuber a khinnaah IVE Jang Wonyoung a chak

18th January, 2024

South Korean girl group, IVE member Jang Wonyoung leh a agency Starship Entertainment chu YouTuber Sojang an khinnaah chakin, Seoul Central District Court chuan YouTuber hi an ram pawisa KRW 100,000,000 (USD 74,532.87) chawi turin a ti. A sum chawi tur hi a pek tlak hma chuan kum khatah 12% a pung zel ang.

Jang Wonyoung hian nikum October thla khan YouTuber Sojang a khinna hi theh lutin, a YouTube channel-a a chungchang a sawina video a dahte thu dik lo leh mimal taka amah a beihna a ni tih a sawi. Intihhmingchhiatna thubuai theh lutin, a hma lam hun a tihchhiatsak niin a puh. He thubuai hi Gangam Police Station-te'n an chhui a ni.