Josh Duhamel leh Audra Mari-te'n fapa nei

'Transformer' star Josh Duhamel leh a nupui Audra Mari-te chuan January 11 khan fapa an nei a, Thawhlehni khan an nupa hian an Instagram account-ah fapa an neih thu hi tarlangin, a hming Shepherd Lawrence Duhamel a nih thu an rawn ziak lang nghal a ni.

Duhamel hian a hmain a nupui hlui, Black Eyed Peas member Fergie nen fapa, Axl an lo nei tawh bawk a, tunah hian kum 10 a ni tawh a ni. Kum riat an inneih hnuah kum 2019 khan a inṭhenna an tifel a, Duhamel leh Mari-te hi kum 2022, January thla khan inhualin, hemi kum vek September 10 khan an innei a ni.