Darbu Music App: December-ah K.Hminga album hralh hnem ber

Darbu Music App-in December, 2023 chhunga an app kaltlanga hla an hralh chhuahah, K. Hminga album thar, 'Ka Ngaih Zawngho' chu an hralh hnem ber.

K. Hminga studio album hmasa ber, 'Ka Ngaih, Zawngho' hi December 8 khan release a ni a, Darbu App-ah chiah hian zawrh chhuah a ni. Mipuiin an hlut a, leitu pawh an la pung zel. December thla chhunga hla hralh play hnem, Most Played Songs Top 10 pawh he album-a hla 10-te hian an hauh vek. He album-a a hlate hi blues, country, rock leh pop-te a inpawlh a ni.

One In Christ-in an discography pumpui soundtrack an siam aṭangin, Krismas boruakah 'Van Zaipawl Te'n Hla an Rem' soundtrack chuan lei a hlawh hle bawk. Olympus Music pawhin hlut a la hlawh chhunzawm zel a, pathumnaah a la awm. Darbu-a soundtrack kal reng, The Leprosy Misson Choir leh Vohbik te pawh hralh chhuah hnem top 5-ah an la lang bawk.