Sophie Turner-i'n Joe Jonas a puhna hnukdawk

Sophie Turner chuan a pasal ṭhen tak, Joe Jonas chuan US-ah an fa pahnihte hreng luiin, England-ah an kir a phalsak lo nia a puhna chu a hnukdawk.

Turner leh Jonas hian an fate chungchanga inremna an siam tak avangin, Turner hian a lo puh tawhna hi a hnukdawk leh a, a case theh luh tihtawp hi US judge pawhin a remti bawk. Kum 27 mi, Sophie Turner leh kum 34 mi, Joe Jonas-te hi kum 2019 khan inneiin, fanu pahnih Delphine (thla 18) leh Willa (kum 3) an nei. Nikum September 5 khan Turner hian inṭhenna tur hi a theh lut a, Jonas chuan an fanu pahnihte chu England lama an kir a phalsak lo niin a sawi. Mahse a hnuah inremna siamin, an fate enkawl dun leh, US leh UK lamah hun inang renga an awm kual an remtih thu an sawi.