Green Day-in ‘Dookie’ leh ‘American Idiot’ sa vek zel dawn

American rock band, Green Day chuan 'The Saviors Tour' an neihnah, an concert apiangin an studio album, 'Dookie' leh 'American Idiot'-a hlate an sa kim vel zel dawn tih an sawi.

'Dookie' hi kum 1994, February thlaa an tihchhuah tawh a ni a, mahse, nikum September thla khan deluxe edition an siam leh a ni. 'American Idiot' hi an studio album pasarihna niin, 2004-a an tihchhuah a ni bawk a, billboard 200-ah kar thum chhung no. 1 an nihpui. Heng album pahniha hlate bakah, hla hlui leh thar dangte pawh an perform dawn bawk. North America-ah July 29 aṭangin tour hi an nei dawn a, UK leh Europe-ah pawh an nei dawn bawk. Hei hi kum 2016-2017-a Revolution Radio Tour leh, 2021-2022-a Weezer leh Fall Out Boy-te nena Hella Mega Tour an neih hnuah Green Day-in major tour an neih lehna hmasa ber tur a ni.