Hospital-ah Kate Middleton admit

Britain lal fapa, Prince William nupui, Princess of Wales, Kate Middleton chu abdominal surgery nei turin The London Clinic-ah admit a ni a, hlawhtling taka zai a ni tih lal chhungkaw thuchhuah chuan a tarlang.

Kum 42 mi, Kate Middleton hi Nilaini khan admit a ni a, hospital-ah hian ni 10-14 chhung vel a la awm dawn a ni. Hospital aṭanga a chhuah hnuah pawh an chenna, Windsor-ah hun eng emaw chen a la inenkawl dawn a, Easter hma chu public duty lam pawh a chhunzawm thei rih lo ang. A dam loh avang hian a duty neih hrang hrang pawh a postpone a, hei vang hian thupha chawiin mipuite pawhin a dinhmun chu an hriatthiam a beisei thu a sawi bawk. A pasal, Prince William pawh a nupui damlohna avangin an fate pathum a buaipui a ngai a, hei vang hian a ni pawhin public duty a neih ṭhenkhatte pawh a postpone. Hospital-a a nupui a awm chhung hian official duty-in a chhuak rih lo ang.