International Stunt Awards nomination-ah SRK film pahnih lang

Vulture’s 2023 Stunt Awards sem turah Shah Rukh Khan blockbuster film pahnih, Jawan leh Pathaan chu nomination-ah an lang.

Box office lamah pawh che ṭha tak, Pathaan leh Jawan hi Best Overall Action Film category nominee-ah an tel a, hei bakah Jawan hi Best Stunt in an Action Film leh Best Vehicular Stunt category-ah nominate niin, Pathaan hi Best Aerial Stunt-ah nominate a ni bawk. Bollywood film pahnihte hi John Wick 4, The Equalizer 3, Fast X, Extraction 2 leh Mission Impossible 7 tihte nen an inel dawn a ni. 'Jawan' hian khawvel huapin Rs. vbc 1,160 zet a la lut tawh a, 'Pathaan' hian Rs. vbc 1,055 a la lut tawh bawk.

Vulture annual Stunt Awards hi nikum aṭanga pek ṭan a ni a, a buatsaihtute chuan Academy of Motion Picture Arts and Sciences hnenah Best Stunts Oscar siam ve tura an nawrna kawng khat niin an sawi.