Lizzo-i'n Special Tour aṭangin USD mtd. 85 hmu chhuak

American singer leh rapper, Lizzo chuan 'Special Tour' a neih aṭangin USD mtd 85 zet an hmu chhuak tih a sawi.

Grammy-winning songstress, 'About Damn Time' hitmaker, kum 35 mi hian a Instagram account-ah hemi chungchang hi tarlangin, khawmualpui 3-a ram 14-ah concert hi ṭum 68 neiin, an ticket hralh chhuah aṭanga an sum hmuh hi USD mtd 85 a tlin thu a sawi. A thlalak leh video-te a post tel nghal bawk. 'Special Tour' hi kum 2022, September 23 aṭang khan neiin, nikum July 30 khan a kharna hi Fuji Rock Festival-ah a nei a ni. A tour neihnaah hian North American leg-ah rapper Latto leh Saucy Santana-te'n an pui a, European leg-ah Bree Runway leh Joy Crookes bakah, Oceania-ah Tkay Maidza chuan a pui bawk.