Michael Jackson naupan lai lem chang tur thlang fel

King of Pop, Michael Jackson-a film siam turah, a naupan lai lema chang turin kum 9 mi, Juliana Krue Valdi chu thlan a ni.

MJ biopic hi director Antoine Fuqua, Lionsgate leh Universal Pictures International-te siam tur niin, Ningani khan Jackson 5-a MJ a tet lai lema chang tur hian Valdi hi thlan fel a ni tih an puang. Valdi hi MJ ngaisang tak a ni a, kum nga mi lek a nih aṭangin a hla chu a lo lampui nasa ṭhin tih sawiin, a tan mi pawimawh tak a nih thu a sawi. He film-a MJ puitlin hnu lemah hian a u Jermaine Jackson-a fapa, Jaafar Jackson a chang dawn thung a, film puitlinga a channa hmasa ber tur a ni ang. A film hming hi 'Michael' tih niin, nakkum April 18-ah khawvel pumah tihchhuah tum a ni. He film-ah hian a chanchin eng chin nge tihchhuah a nih dawn erawh sawi chian a la ni lo a, kar leh lam aṭangin film chan hi an ṭan tawh dawn nia hriat a ni.