Alec Baldwin lakah thubuai theh lut thar leh

New Mexico-a grand jury chuan actor, Alec Baldwin chu October, 2021-a shooting an neih laia a silai hmeh puah palh avanga mi pakhat thihna thleng chungchangah thubuai a siamsak thar leh.

He thil thleng chungchangah hian Baldwin hi a hmain thubuai siamsak a lo ni tawh a, mahse, a thubuai ngaihtuah a nih ṭan hma kar hnih, nikum April thla khan an titawp a ni. Kum 65 mi, Baldwin hian 'Rust' film an chan dawn laiin, Santa Fe-ah a pistol, Colt.45 chu a kah a zir a, mahse, a pistol kenah hian a mu lo awmin a puak a, an bul hnaia awm, cinemtographer, Halyna Hutchins chu fuhin a thi a, director Joel Souza pawh a hliam bawk. Baldwin hian a trigger chu a hmeh loh thu leh, silai mu a inthun tih a hriat loh thu a sawi thung.