British Royal Airforce-ah Freddie Laldinsanga a tling

Freddie Laldinsanga s/o Lalhmachhuana (L), Dawrpui Jail Veng-a cheng chu British Royal Airforce turin a tling thar.

Nikum October thla khan Freddie hi Inspire Agency Khatla South-ah in-register-in anni hian hian application leh thil ṭul hrang hrang lo buaipuiin hemi hnu hian RAF aṭangin kohna ṭum hnih a dawng a ni. Covid-19 hripui leng karah London-ah assessment chi hrang hrang a zuk paltlang a, Commonwealth ram hrang hrang inelna a zuk paltlang a ni.

Freddie hma hian a ṭhiante pa­hnih Lalhminglua, Ram­hlun South leh Lalhruai­tluanga, Luang­mual-te chu RAF tur hian an lo tling tawh a, assessment nei mek Mizo tlangval pahnih London-ah an awm mek bawk. An vai hian IELTS coaching centre Spotlight, Dawrpui a coaching class kal ṭhin vek an ni

Freddie Laldinsanga hi Kolasib Hmar Venga piang niin, Providence High School, Zarkawtah pawl 12 thleng kalin Govt Aizawl West College, Dawrpui Vengtharah BA (edn) a zir zo leh a ni.