'The Voice' finale-ah Lauren Daigle

The Voice season finale December 15, naktuka neih turah Gospel artist lar Lauren Diagle chu a zai dawn.

He hunah hian zaithiam inlan tur an ṭha hle a, tunlai zaithiam lar ber ber- Dan + Shay, Jason Derulo, JP Saxe, Julia Michaels, Keith Urban, Lewis Capaldi, Nelly ft. Florida Georgia Line’s Tyler Hubbard leh 24KGoldn ft. Iann Dior-te an zai dawn a, heng zingah hian Pathian fakna hla sa tlat ṭhintu Lauren Diagle chu a tel dawn a ni.

ET hunah chuan he show hi zan dar 5-11 inkarah an pe chhuak dawn a, Coach- Kelly Clarkson, John Legend, Blake Shelton leh Gwen Stefani-te pawhin 'Rockin' Around the Christmas Tree', Top 20-te nen an perform ho dawn a nih hmel.

Grammy award pahnih lai dawng tawh, Billboard Music Award pasarih dawng tawh bawk Lauren Daigle hian a hla hit triple platinum hial a hmuhpui tawh 'You Say' a sa dawn a ni.