Ranveer Singh hnenah 'Maharashtrian of The Year'

Bollywood Star lar thar, 'Bajirao Mastani' film a chan vanga Filmfare Award for Best Actor dawngtu Ranveer Singh chu nimin khan Maharashtra Chief Minister Devendra Fadnavis-an "Mahastrian of the year" nihna a hlan.

'Bajirao Mastani' hi director lar Sanjay Leela Bhansali kutchhuak a ni a,he film ah hian Ranveer hi Maratha pasalṭha hmingthang Peshwa Bajirao II lemah a chang. Kum 2010 khan 'Band Baaja Baaraat' chang ṭanin lemchan khawvel ah a hmel kan hmu a, kum 2015 ah 'Bajirao Mastani' film a chang leh a; he film vang hian Maharashtra mi≠pui≠te ngaihzawn a hlawh hle a ni.

'Lokmat Maharashtrian of The Year' hi India leh khawvel huapa a ṭha zawnga Maharashtra phochhuaktu hnenah an hlan ṭhin.

Ranveer channa 'Bajirao Mas≠≠ta≠ni' film hian an pasal≠ṭha chhuanvawr ber Peshwa Bajirao hlimtha a lanchhuahtir niin an ngai a, Maratha mite lunglenna a kaitho chiang hle a ni. He lawmman hi Bollywood khawvela chuai thei lo Amitabh Bachchan leh Dilip Kumar te hnenah hlan a lo ni tawh bawk.

Chawimawina dawng tur thlang chhuaktute hi an hraw hlawm hle; Home Minister hlui Sushil Kumar Shinde, Union Minister hlui Praful Patel, Ukil lar Ujjwal Nikam, social activist Medha Patkar, sumdawng hausa Harsh Goenka, journalist hranghlui Ayaz Memon, film siamtu lar Madhur Bhandarkar te an ni hlawm.