Beyonce-in thawmhnaw thar 'Ivy Park' siamchhuak

Zaithiam lar leh hriat hlawh, piannalh leh mawng sawih thiam tia kan hriat ber, Beyonce chuan thawmhnaw thar fitness collection (mizoin sport dress tia kan sawi mai ṭhin leh hak nuam) a duangchhuak thar a, a hmingah 'Ivy Park' a phuah. A thawmhnaw duan thar hi a fanu 'Blue Ivy' hming chawia deuha phuah a nih rin a ni.

Thawmhnaw siam thar hma lama 'Ivy Park' chuang ngei hain, sexy taka a ding chu Instagram-ah a post tawh nghe nghe.

Thawmhnaw duan thar hi Sir Philip Green nena an siam a ni a, April 14 hian tlangzarh an tum. Kawr leh kekawr ang chi bakah pheikhawk lam pawh a huam vek dawn a, April 14 aṭang hian a chah ṭan theih dawn niin an sawi. Fans tan chuan Topshop, Nordstrom, Zalando, Net-A-Porter, Selfridges, JD Sports ah te lei theihin a awm dawn a ni.

Beyonce chuan "Ivy Park ka duanchhuah chhan ber chu infiamnaa hak chi ni chiah lo siam a ni. Mawina leh hmelṭhatna dik tak chu rilru, thinlung leh taksa hriselnaah a innghat" a ti. " Ka taksa a chak ṭhat lai chuan rilru pawh a chak a ni tih ka hria. Hmeichhe dang pawhin chutiang ang chu an tawn ve theih nan hetiang thawmhnaw hi ka duang a ni" a ti.

Sir Philip Green pawhin Beyonce nen inringtawn taka an thawkdun thei chu lawmawm a tih thu a sawi.