Miley Cyrus iangin Amber Rose-in Donald Trump sel

US President tur thlanna bo≠ruak kal zelah thawm nei lian leh ṭawngkam thlahdah ve tak Donald Trump duhlotu milar an pung zel. Heng zingah hian tunhnai khan Amber Rose chuan US president-ah Donald Trump a tlin chuan US chhuahsan a tum thu a sawi.

Ṭawng duh ve tak Amber Rose chuan Us Weekly palai zawhna chhangin, "Ka chhe vek a ni mai! Ka chhuak ang, ka chhuak ngei ang. Ngaihtuah zui pawh ka duh lo. President atan thlan tlin a nih chuan ka fapa Sebastian hruaiin ram dangah ka pem ang" a ti. Sebastian hi a ex Wiz Khalifa nen an fapa niin, kum thum mi chauh a la ni.

Donald Trump hi Republican party aṭanga president chuh tum langsar ber a ni. Donald Trump duhlo zingah hian J.K. Rowling, Demi Lovato, Shakira, Eva Longoria, Miley Cyrus, leh George Clooney te an ni. Miley Cyrus pawh hian n US president atan Donald Trump a tlin chuan US chhuahsan a tum thu a lo sawi tawh a ni.