MEGADRONE siam chhuak

Tun hnaia Mizo music video hrang hrangah camera thlawkthei (Drone) hmanna a tam hle. Tun hma deuha drone kan hriat lar kha chu bomb mitnei thlawkthei, Iraq leh Afghanistan vela US sipai hman uar kha a ni. Thiamna sang zelah camera thlawkthei a lo chhuak a, a ṭangkai hle. Drone lian tak tak siam chhuah lamah inelna a awm zel a. Hetiang siamchhuaktute chuan Octocopter phei chuan boruakah mihring a chawikang thei dawn tih an sawi.

Tunhnai khan Oslo Univer≠sity-a zirlaiten drone lian tak an siamchhuak a, siam nan hian US Dolalr 21,600 zet an seng. An drone siamchhuah thlawh tir nan hian Norwegian Air Controller hnen aṭanga phalna hmuh thuai an beisei. MIhring khalh loh Megakopter siam nan hian Oslo University-a zirlaite hian thla 18 zet hun an hmang. Drone nawr≠kal leh chawikang tur hian virmep (propeller) 13 vuah a ni a,aluminium leh plywood hmanga siam niin kg 150 chuang chawikang thei tura duan a ni. Mihring pakhat chu hnehsawh takin boruakah a thlawhpui thei dawn a ni.

Hei chauh hi mihring chawi≠kang zo a ni lo a, kumin January thla khan China chuan drone lian hi, ban pali nei EHang 184 an lo siam chhuak tawh a ni. EHang 184 hming put chhan hi mihring pakhat phur zo, virmep (Propeller) pariat vuah leh ban pali nei tihna a ni. Hman loh lai chuan a ban pali hi a thleh theih vek bawk. A siamchhuaktute hian hmun hnai deuh mai ni lo, hmun hla zawk Mel 10 chuangah darkar khata mel 60 a chaka thlawk thei turin an siam a ni.