Alibaba-in khawvela esports tournament lian ber buatsaih dawn

Mizo ṭhalai zingah online games tui leh atchilh, gamer kan ṭhahnem tawh. Online shopping lama kan hriat lar pa≠khat, Alibaba chuan Singapore-a hmunpui nei social media site lar YuuZoo nen ṭangtlangin thla thar aṭang hian eSports tournament an buatsaih dawn.

He tournament hi khawvela sum phalrai tamna ber a ni ang. Sum phalrai zawng zawng hi dollar maktaduai 5 leh a chanve zet a ni. Thla thar hian ṭan a ni anga, kumin december-ah Shanghai khawpuiah final khelh a ni ang.

Inelna turte chu Mizo ṭhaaite pawhin kan uar em em, Dota 1, Counter-Strike: Global Offensive, StarCraft 2: Legacy of the Void leh Hearth≠stone ah te a ni ang.

Internet khawvela lama sumdawng lian Alibaba hian Cyber Games rawn chawilar thar lehin, kumin hian China rama khawpui lian 15 ah hetiang inelna hi ṭum 1200 zet buatsaih an tum.

Alibaba chuan tournament ah hian kum leh chenna ram a zira endikna, ruihhlo tih leh tih loh te, nungchang mawi leh mawi loh te thlengin dan leh hrai an zam vek tih an sawi. Inelna, dan leh hrai, dik taka khelh te chu Alisports in an chawilar tur a ni. Tournament in a tum ber chu inelna thianghlim tak neia infiamna chawisan zel a ni.

China ah hian eSports atchilhtu maktaduai 100 chuang leh gamer maktaduai 440 an awm.