Tesla in car thar Model 3 phochhuak

US a car siamchhuaktu lar Tesla chuan tunhnai khan car thar, Model 3 tia vuah chu an tlangzarh. Mi hausa tawntaw Elon Musk chuan Hawthorne, California-ah Model 3 hi tlangzarhin, "Car chaklo chi kan siam ngai lo" a ti. Model 3 car hi Tesla company car siam hmasak Model S aiin a let 20 in a te zawk a, a chung zawl hi a tluanin darthlalang vek a ni. Mi panga chuan theihna bakah a hnungah Mizoin savawm bawm kan tih ang kha lian vaklo a la awm cheu bawk. Tin, a ṭul hunah khalhtu ngai lo (auto pilot) a duan a ni.

Model 3 hi Tesla company in car an siamchhuah palina niin dollar 35,000 man an chhiar. Darkar 24 chhung lekin Model 3 hi internet-ah mi 1,15,000 zetin an hauhlawk a ni. Tunkar tir lam khan Tesla Model 3 hauhlawk tumte chuan Tesla dawr bulah Puan in kaihin bu an khuar hial a ni.