Billboard Top Gospel Artist Of The Decade Tasha Cobbs

Grammy award hial pawh lo dawng tawhtu Gospel singer lar Tasha Cobbs Leonard chu Billboard’s Top Gospel Artist of the Decade-ah thlan a ni.

Billboard hian kum tawp leh kum 10 chhunga chart-a che ṭhate list hrang hrang a tichhuak a, chutah chuan 'Break Every Chain' singer hi Top Gospel Artist of the Decade-ah an thlang ta a ni. Kum thum chhung ngawt a zawnin Top Female Gospel Artist atan an lo thlang tawh bawk.

Kumin chhungah ringawt pawh Tasha Cobbs hian RIAA certification hla pahnih a nei hman a, a single hit 'Break Every Chain' khan Platinum certification a hmuh bakah You 'Know My Name' khan Gold certification a dawng bawk a ni.

51st Annual GMA Dove Awards-ah khan Gospel Artist of the Year a ni a,  35th Annual Stellar Awards-ah Artist of the Year a ni bawk a, Gospel singer zingah tunhnai kum 10 chhungin Pathianin a hman ber pawl a ni tih loh rual a ni lo.