Sony-in US Anime Giant Crunchyroll lei dawn

Sony chuan nimin khan thuchhuah siamin US anime streaming giant Crunchyroll chu an lei dawn tih an tarlang.

Crunchyroll-ah hian paid subscri­ber maktaduai thum chuang an awm a, Sony hian $tlukleh­dingawn 1.17-in an lei sak dawn a ni.

Streaming service-te inelna khawvel a ni tawh a, Netflix leh Hulu ang chite el pha turin Sony hian an entertainment division tihlen an tum niin a lang a, Crunchyroll hmang hian nasa zawka insiam len an tum leh a nih hmel.

Kum 2006-a din Crunchyroll hi khawvela Japanese animation online library lian ber nia tarlan niin an anime streaming service Funimation nena thlunzawmin anime streaming service lian tak an siam dawn a ni ngei ang.

Sony Pictures Entertainment CEO Tony Vinciquerra chuan, "Crunchyroll nena ṭangkawp hian fan-te tan experience ṭha ber kan siam dawn a, Japan leh hmundanga creator, producer leh publisher-te tan hmabak ṭha zawk kan siam sak dawn bawk a ni," a ti.