Ryan Gosling-a'n a fate 'Barbie' la entir lo

'Barbie' film-a Ken lema chang, Ryan Gosling chuan 'Barbie' film chu a fate a la entir lo tih a sawi. A nupui, Eva Mendes nen an fate pahnih, Esmerala (9) leh Amada (7)-te chu he film entir hi a ṭha dawn em tih an la chiang lo niin a sawi.

'I pa Ken anga a channa chu en la a ṭha ang em tih hi ka la hrethiam lo. Eng kumah nge entir chi ni ang tih pawh ka la hre thei lo a ni," tiin kum 43 mi,'La La Land' actor chuan a sawi. Film an chan lai hian an fanute hian an rawn tlawh thu erawh a sawi a, an lam lai velte chu an rawn hmu tih a sawi. Mahse film an tihchhuah leh, khawvel huapa a lar chhoh viau hnuah pawh a film puitling hian a fate hi a la entir lo thung. Hemi rual hian a fanute avanga he role hi chang a ni tih erawh a sawi.