OTT-a 'Animal' tihchhuahah deleted scene telh dawn

Bollywood blockbuster, Ranbir Kapoor channa, 'Animal' chu January 26 hian Netflix-ah tihchhuah tum a ni a, online version-ah hian theatre-a film tihchhuaha scene an paih ṭhenkhat chu dah tel a ni dawn.

'Animal' theatrical version hi darkar 3 leh minute 21-a thui a ni a, Netflix version-ah hian minute riatin a thui belh dawn a, a total hi minute 209 a tling dawn a ni. Fan-te tan a nghahhlelhawm viau ang. Hetih lai hian digital platform-a extended version dah hi an lo ching fo a, hei hi tihchhuah hmasakna, theatre lama lo en tawhte pawh an hip leh theihna tura an ruahmanna a ni ṭhin. Nikum December 1-a tihchhuah, 'Animal' hi ram chhung leh ram pawn lamah a che ṭha hle a, Rs. vbc 900 chuang a la lut tawh a, Indian film sum la lut tam zual zingah a tel pha tawh a ni.