Judas Priest hla thar 'Crown of Horns'

British heavy metal legends, Judas Priest chuan single thar, 'Crown of Horns' an rawn chhawp chhuak leh ta. Hei hi an studio album thar tur, 'Invincible Shield'-a hla an tihchhuah pathumna a ni. Hemi hma hian 'Panic Attack' leh 'Trial by Fire' te an lo tichhuak tawh bawk.

Album thar hi March 8 hian Sony Music kaltlangin an tichhuak dawn a, hemi hnu April hian album thar pual hian tour an nei nghal dawn bawk. An tour-ah neihnaah hian Swedish power metal band, Sabaton chuan show an open vek dawn a ni. Guitarist Richie Faulkner chuan 'Invincible Shield' album hi kum eng emaw chen an buaipui tih sawiin, Covid hripui len vangte khan an chawlh te a ngai a, tunah chuan an peih fel thei ta tih a sawi.