Kum nga dang Adele a tawmim leh dawn

Kum thum chhung zet music thar reng reng nei loin a awm a, chumi hnuah 25 album hit ropui lutuk mai a rawn tichhuak a, tuna Adele thil tum leh chu kum nga dang tawmim leh a ni.

The Sun chanchinbuin a tarlan danin Adele hian kum nga dang chu music chawlhsan leh a tum a, Simon Konecki nena an fapa kum thum mi, Angelo enkawl a, a hun hman leh rih a duh a ni. Adele hian tunah hian tour neiin, Europe ram a fang mek a, khawmualpui dang pawh a pakai zel ang. A tour hian November 15 thleng a awh ang a, a tawpna hi Mexico City a ni ang.