Songwriters Hall of Fame-ah Mariah Carey

Kum 49 mi zaithiam Mariah Carey chu Songwriters Hall of Fame-ah lakluh a ni dawn a, Isley Brothers, Eurythmics, Rick Nowels, The nep­tunes, William "Mickey" Stevenson leh Steve Miller te rualin chawimawina hi a dawng ang.    

Mariah Carey hi a hla phuah tawh leh midang hla a phuahpui tawh, lar tak takte avangin Songwriters Hall of Fame-ah hian lakluh a ni dawn a, chung a hla phuah tawh zingah chuan 'All I Want for Christmmas Is You' pawh a tel a ni. 

Mariah chuan a twitter-ah Songwriters Hall of Fame-a lakluh a ni tur chu a awih theih loh thu leh chawimawina a dawn zinga ropui ber tur a nih thu a sawi a, hla phuahtu ropui tak tak lo awm tawhna zinga a awm thei tur chu  a inchhuang hle tih a sawi bawk.