Pensy a hlawhtlinna a thuah hnih

Hontrade International Ṭhazual Lengzem lamah chuan Pensy B. Lalthangliani dinhmun a la chungnung hle zel a, a vawi hnihna atan 'Chelh ding rawh' hla hmangin pakhatna a hauh leh.

Lengzem huanga Pensy-i hming kan hmu ta hi mi tam takin mak an ti a, lengzem hla a sa ta niin an ngai a, mahse Hontrade International Ṭhazual Lengzem hi a hming tumtu mai a ni a, hemi chart chhungah hian lenglawng hlate pawh a tel tih hria ila; Pensy hla hi lenglawng hla a ni.

'Chelh ding rawh' hla hi sikul kalho ṭhin ṭhianho, zirna avanga inṭhendarh hun a lo thlena lunglenna leh inṭhendarh uizia, hun pawh chelh ding hram tura duhna hla a ni. Music video-ah hian Miss Chapchar Kut 2015, Khumtung nula, H. Vanlalhlimpuii a inlan. A music hi Kima Chhangte leh C. Lalzarmawia te kutchhuak a ni a, video hi RDS-in an buaipui thung.

Kumin chhunga a zawna pakhatna hauh rei thei ber Lawmi Khiangte chu pahnihna
aṭangin pathumnaah a chhuk thla a, Samuel Chhangte leh Sangkimi Khiangte te hla hit 'Inṭhen lawng' tih hla chu pahnihnaah a rawn chho. TRC Various Artists hla 'Romanians' chu palinaah kai chhoin, T. Roman College-ah zai lamah talent a ṭha hle tih a lang. Pasarihna aṭangin J&J 'Ka hmangaih ber che' tih hla chu panganaah a rawn lut.

Lunglei Govt College-in music video an siam 'Summa Supremo' chu pakuanaah a rawn lang thar a, F. Zomuanpuia hla 'Don't Let Me Down' chu sawm zing aṭangin a tawlh chhuak.

Hontrade International Ṭhazual Lengzem

1 Pensy B Lalthangliani - Chelh ding rawh

2 Samuel Chhangte & Sangkimi Khiangte - Inṭhen lawng

3 Lawmi Khiangte - Kan hlimlai

4 TRC Various Artists - Romanians

5 J& J - Ka hmangaih ber che

6 stAge ft Sangteii Khawlhring - Beiseina

7 Remkimi Cherput - Zoawi lelte a fam ta

8 Zothan - Sam ang ka ṭhen ta e

9 Voices of LGC - Summa Supremo

10 Ananda - Zo lanu leng