Guns N' Roses inzawmkhawmin ngaihven a hlawh

Khawvela band hlawhtling ber ṭhin an ni a, an inzawmkhawm leh theih pawh mi tam takin an rin tawh loh hnuah Zirtawpni zan khan hmana an band line-up ang deuh chiah chiah khan an inlan leh zet chu music khawvelin a ngaihven.

California-a West Hollywood-a Troubadour-ah Guns N' Roses hian Zirtawpni zan khan concert an nei a, hetah hian Axl Rose, Slash leh Duff McKagan te an inlan a, keyboardist hi Dizzy Reed niin, guitarist-ah Richard Fortus an hmang a, drummer hi Frank Ferrer an ni.

Hmana an hla hit tak takte an rawn thlawh leh a, mipui thawm a ṭha a, mipuiin an hlut hle. Live and let die, You could be mine, Sweet child o' mine, Knockin' on heaven's door, paradise city te bakah, an hla thar, kum 2008-a album an tihchhuah, Chinese Democracy album-a mite kha an sa. An concert-na hmun hi a lian lo a, mi 400 vel chauh an leng a, entute erawh an hraw hle. Nicolas Cage, Kate Hudson, Bradley Cooper, Jim Carrey, Chris Brown leh mi dang dangte an ni.

He concert an zawh hnu lawk hian Geffen Records-ah contract an nei nghal a, chuan kan hma lamah
khian concert-na tur hmun ruk an nei sa bawk a, chung zingah chuan Las Vegas-a Coachella Music and Arts Festival-a show ṭum hnih an neih tur leh Mexico City-a show ṭum hnih an neih turte a tel.