February 20-ah 'The Midnight' concert

American synth wave band,'The Midnight' chuan February 20 zanah Bawngkawn Brigade Field, Aizawl-ah concert an nei dawn.

Jacinta Lalawmpuii (Fame Entertainment) leh Lalawmpuii Chenkual (Thul) te chuan The Midnight concert tur chungchangah nimin khan media mite kawmin, Mizorama concert an neih tura band member an rawn kim theih dawn thu an sawi. He concert-ah hian Mizo ṭhalai, zai lama tui leh bul ṭan tharte tan hun remchang an siam dawn a, college hrang hrangah ambassador tur an zawng mek tih an sawi. Ticket hi online-in hralh a ni a, February thla chawhma lamah offline-in ticket zawrh chhuah an tum tih an sawi bawk.