2024 Grammys perform turah Travis Scott leh Luke Combs tel

2024 Grammy Awards-a perform tur, a thawh hnihna an puanah Luke Combs, Travis Scott leh Burna Boy-te an tel.

February 4-a Los Angeles-a Crypto.com Arena-a Grammy Awards neihnaa perform turte hi a tahtawlin puan chhoh an ni a, an puan hmasakah Billie Eilish, Dua Lipa leh Olivia Rodrigo-te hming puan a lo ni tawh bawk. Award sem turah hian SZA chu artist zinga nomination hmu hnem ber niin pakua a hmu a, Phoebe Bridgers, Serban Ghenea, leh Victoria Mone-te chuan nomination pasarih hmuin, Jack Antonoff, Jon Batiste, boygenius, Brandy Clark, Miley Cyrus, Billie, Olivia, leh Taylor Swift-te chuan paruk ṭheuh an hmu bawk. Kumina Grammys sem turah hian organiser-te chuan rules siam ṭhain, nominee awm zat hi an titlem a ni. Trevor Noah chu host a ni ang.