Drummer ṭha ber John Bonham

Khawvela music lam chanchin ziakna chanchinbu lar Rolling Stone chanchinbu chuan, drummer lo chhuak tawh zawng zawng zinga thiam ber a thlang chhuak a, thiam bera thlan hi Led Zeppelin drummer Bonham a ni.

Bonham hi kum 1948, May 31 khan England-ah a piang a, kum 32 mi lek niin, kum 1980 Sept 25 khan Berkshire, England-ah a thi. Led Zeppelin-a an guitarist, Jimmy Page khan The Yardbirds band a chhuahsan hnuah band thar a din a, Robert Plant chu vocalist turin a sawm a; Plant-a sawi hmuhnain Bonham hi Led Zeppelin drummer atan an lalut a ni.

Kum 1980 Septembwer 24 khan Led Zeppelin chuan tour an nei a, hemi ni hian an tour neihna tura rehearsal an neih hmain vodka a in ṭeuh mai a (ml. 400 aṭanga 560 inkar vel), an rehearsal pawh an chhunzawm thei lo a ni. Zanah khuma an mut chu a tukah an kaitho zo ta lo.

Drummer ṭhate

1. John Bonham

2. Keith Moon

3. Ginger Baker

4. Neil Peart (Rush)

5. Hal Blaine

6. Clyde Stubblefield and John 'Jabo' Starks

7. Gene Krupa

8. Mitch Mitchell (Jimi Hendrix Experience)

9. Al Jackson Jr. (Booker T. & the MG's)

10. Stewart Copeland.